Gaur egun, museoak gaitutako bi solairu ditu. Beheko solairuan ikus-entzunezkoen areto bat dago; han proiektatuko da langileen testigantzak jasotzen dituen sarrera-bideoa. Gainera, erakusketa iraunkor bat ere egongo da, hainbat panel, dokumentu eta objektu jasoko dituena; eta, horien bidez, La Encartadaren balio espezifiko eta historikoak dibulgatuko dira, baita enpresaren ekipamendua, langile-koloniak eta jendartean zabaldu ere.

Solairu horretako pasabidean zehar honako hauek ikusiko ditugu: artilea garbitzeko antzinako prozesuarekin lotutako elementuak, fabrikako zerbitzu-ibilgailuak, tailer osagarriak eta turbinara sartzeko atondoa. Horrez gain, gaur egun martxan dagoen zentral hidroelektrikoa ere ikusi ahal izango dugu.

Lehenengo solairuan fabrikazio-katea eta makinak daude, eta atal hauek ikus daitezke: kardatzea eta irutea, txapelaren ehundura, joskintza, etab. Halaber, bulego zaharrak ere solairu horretan daude.

Servicios

Museoaz gain, La Encartadak honako zerbitzu hauek eskaintzen ditu:

• Bisita gidatuak, euskaraz eta gaztelaniaz (ingeleserako eta zeinu-hizkuntzarako, galdetu).
• Hezkuntza-etapa guztietako eskola-umeentzako tailerrak eta material didaktikoak.
• Aldi baterako erakusketak.
• Ekimenak egiteko aretoen alokairua
• Harrera-lekua
• Harrera-lekua
• Aparkalekua.
• Haurrentzako jolastokia.
• Lorategiz hornitutako eremua.
• Egokitutako sarrerak.